تبــي تسأل عن أخبـاري..!!

--------------------------------------------:

تبي تسئل عن اخباري ..!!

تعال وشوف

تعال وناظر بعينك .. هذاك الجوف

بربك يعني ماتعرف وش احوالي !!

وش اللي تنتظر احكيه ..

بعد ماتركتني الحالي ..!!

صباح وممتلئ حيره

ودمعن لانزل مني يموت ويبتدي غيره

مساء خالي من الافراح

الم دمعه جفا وجراح

وهاذي كلها احوالي

بعد عمري عساك بخير

وش اخبارك؟؟

عسى ماطالك التغيير

عساك اليوم متهني

بعد هذا الزمن ياقلب خذاك وخلصك مني !!

بلا اسباب ..

غير اني .. رخصت القلب لعيونك

عرفت اني .. ابد لاشي من دونك


وجيتك حلم .. على قلبك يبي يصحى .!

احبك مو مهم اشلون .. تكون ابعام او فصحى ..

كتبها قلبي لعيونك ..

بيوم وكنت مجنونك ..

وكنت .. !! وكنت .. !!

وربي باقي للحين احبك واعشق ترابك ..!

ولو كل العمر يازين .. تصك ابوجهنا بابك


وهاذي كلها احوالي

يجيني بالمساء طيفك .. بوسط الليل

ولايحكي ولايحكي .. ارد ارجع انااشكي

عساك بخير طمني .. وراك تغيب

امانه طمن اجروحي .. ابيها اتطيب


بربك وش تبي احكي

تعبت ورب من حبك

تعبت وهدني حبك

تبي احكي بعد اكثر

تبي تعرف هذاك الهم .. اشلون ابغـيبتـك يكبر ..!!

تبي تعرف غيابك كيف عذبني

تفضل .. ودش ابداخل اضلوعي

هذاك اللي يصيح هناك .. تشوفه زين ..!!

هذاك اللي انقسم نصفين ..

هذاك القلب ..

تعال قرب منه

تعال واسمع الحنـه ..

تدري يابعد عمري ...

من اول يوم هديتـه

مثل ماتشوفها عيونك

يضم الجرح وطعونك

واسمك دوووم بلسانه

تعلق فيك ...

وصرت للاسف عنده .. حياته واغلى احبابه

تعال كمل المشوار

هذاك اللي هناك ايسـار

تشوفه .. بربك ماتعرفه .. !!

هذاك الجوف .. هذاك الممتلئ قلبه .. عذاب وخوف

تعال شوف ابيوتك

كثيره حيل ..

قصور ومالها آخر . .

مدينة شوق ..

غلا كاسي سماها فوق ..

شفت كيف مهجوره ..!!!

بيوت تصيح مكسوره ..!

مدينه مابها سكان . . .

كستها بلليله الاحزان

هنا كنت تنام في يوم ..

هنا مرقدك .. وربي يالغلا فاقدك

وش احكي لك بعد ... بسكت

وهاذي كلها احوالي ..

بعد ياسيدي للحين ..

تبي تسئل عن اخباري-