نفسـك عزيزة .. تنتظر منـك نظرة عز .. !! :)

السلام عليكم و رحمة الله و بكراته ..
..
أسعد الله قلوباً أنتم حامليها .. و أرواحاً أنتم ساكنيها ..

..


















تجبَّرت عليك الهموم و الغموم , فكستك ثياب الأحزان ..
تعافيت من جرح , فانفتحت جراح ..
وددت لو أنك لم تكن ذا قلبٍ ينبض بإحساس ..
تمنيت لو كانت الأقدار لك لا عليك ..
إذن ..
فما العيش السعيد يأتي .. و نحس بإحساسه ..
و ننتشي بنشوة الفرح و السرور ..
إلاَّ إن دخلنا متاهات الألم , و ارتوينا من الحزن شرباتٍ و شربات ..
ما ذلك بضيرٍ إن استطعنا نحن تحرير قيودنا التي كبَّلنا أنفسنا بها ..
أيادينا و أرجلنا , و قبل ذلك تفكيرنا ..
ما ذلك بفعل المتعايش مع الحياة ..
لا تزمجر إن حصلت في يومك على رصيدٍ من ألم ..
فكيف ستشعر بطعم الفرح , إن لم تُسقَى من الحزن شربة ..
اصبر رعاك الله , و أنت تسير في دروب الحياة ..
حتى و إن لاقيت الشوك منثوراً بدربك , فأعلم أنك ناجح ..
و ما تلك إلاَّ بقايا تريد أن تعضلك عن المسير ..
فكن ..(( قد التحدي ))..
و كن ذا تحمِّلٍ كالجبل , حتى تظفر بما تستحق ..





أخواتي ..
سأتحدث إليكم قلباً إلى قلب , دون تنميقٍ لعبارات ..
أو إعجازٍ بكلمات ..


بل سأتحدث إليكم بسلاسة , حيث لا تحكي إلاَّ قلوبنا :





أخواتي ..


سرينا , مشينا , تأملنا , بكينا , تهنا , ضعنا , وصلنا ,
فرحنا , تعجَّبنا , حلمنا , تمنينا , طيب و النهاية .. ؟!
هل لمسيرة حياتنا حدٌّ ننتهي به .. ؟!


أخواتي ..


حياتنا اللي نعيشها الحين , قد مر عليكم يوم , حسيتي فيه إنه خلاص ..
حياتك توقفت , ما عاد تحسين , ما عاد تسمعين , ولا تتكلمين ..
ولا تقدرين تعملي أي شي , الجواب : لا .. صح .. ؟!
طيب .. ليه هالعبارات اللي نسمعها كل يوم .. ؟!
حياتي انتهت , خلاص أنا انتهيت , ما عاد أحس بشي ..
أبي أموت , ما عاد أبي الحياة , تعبت ..
ليه .. ؟! .. ليه صرنا ضحايا إبليس .. ؟!


تأملوا معي شوي ..


إنتِ الحين عندك قلب , عندك عين , عندك إذن , عندك لسان ..
عندك دماغ , و عندك يد , و عندك رجل ..
و جسمك و لله الحمد مو ناقص منه أي عضو .. تمام .. ؟!
طيب .. !!
ليه كل هذه الأعضاء , بدال لا نكدرها بالضيق و الحزن ..
نعيّشها بسعادة و فرح , و الله إنه ما نتعِّب إلاَّ أرواحنا بدون فايدة ..
أسألكم بـالله تجاوبوني .. !!
إذا بيومك هذا لقيتي حزن , ضيقة , ألم , تعب , هم , غم .. !!
بتخسرين شي , لو قلبتيها بروحك الطيبة إلى فرح , سعادة ..
خذيتيها تجربة لحياتك , تستفيدي منها .. ؟!


جاوبوني ..


لأني كثير صادفت , فيه ناس واجد أعرفهم ..
مع إنهم يلاقوا هم و ضيق بحياتهم و يتضايقون لأبعد الحدود ..
بس يقولوا إحنا استفدنا من المواقف هذه ..
طيب حلو .. دامك استفدتي ليه الكدر .. ؟!


بالعكس ..
إنتِ انكشفت قدامك أقنعة كانت مزيفة ..
ناس كان ظاهرهم الطيب و الصدق , بس سبحان الله ..
ربك ردالك الخير , و كشفلك أقنعتهم ..
ليه تتكدرين , بالعكس .. !!
لو تقدرين تسوين عزيمة بذا المناسبة .. سوي .. !!
إيه و الله ..
ما فيه جنس مخلوق على هذه الأرض ..
يستاهل تكدرين روحك و قلبك عشانهم ..
خصوصاً اللي ما يستحقوا أصلاً نفكر فيهم ..
إنتِ اللي تتضايقين و تشيلي همّهم و هم مو دارين عنِّك .. !!
أنا عن نفسي بقول لكم شي ..
صدق محد يسلم من كلام الناس , ولا من غيبتهم لك ..
و لا أنا أظني غير عن العالم , ولا أحد راح يتكلم فيني ..
لا , فيه ناس يتكلموا فيني , و أكيد واجد ..
طبيعي لكل إنسان لسان , و يقدر يتكلم ..
بس صدقوني هالألسنة ما ينفع معها غير الحزم و التطنيش ..
إذا تبين راحة الدماغ و القلب , طنشي ..
صدق كوني فرفوشة و تضحكين مع الكل , بس خلّي فيك حزم ..
أنا عن نفسي واجد قالولي إنتِ نحسك ثقيلة ..
بمعنى إني مو ممكن أضحك بسهولة , أو أتقبل مزح ..
لا هو أصلاً أنا عادي , أحب استهبل شوي ما أحب الرسمية أبداً ..
بس مع هذا أحب أكون شوي حازمة , يعني لازم تخلين لك هيبة ..
و أنا أقولها من مجرب و ناصح , تعاملك مع الناس يكون ممتاز ..
محترمة نفسك و أهلك , و الناس اللي قدامك ..
عارفة قدرك كيف كبير و قبل هذا لازم و لازم تعرفيه في نفسك ..
تعرفين كيف إنتِ كبيرة و مقدارك عالي , لأنك إن استحقرتي نفسك ..
صدقيني ما راح تلقين اللي يحترمك ..
دام نفسك تنظرين لها بذا الشكل , لا تلومين غيرك ..
نفسك عزيزة و تنتظر منك نظرة عز ..
حصِّني نفسك يالغالية , و اقربي من ربك ..
بعدها لا يهمك أي حكي من أي مخلوق ..
تذكري أن الإنسان الناجح , أعدائه كثيرون ..
و ياليت قبل أن تتحدث ألسنتنا , أن نراعي شعور متلقيها ..











أخواتي ..

إن أتاكم من الحزن رصيد , و من الهم ما به الآلام تزيد ..
كن ذا حزمٍ و قوة , فإن الأيام لن تعود ..
عيشوا حياتكم بالحب , بالخير , بالإبتسامة ..
يا أخواتي .. ترى الحياة وحدة .. ما راح نعيش غيرها ..
الحياة حلوة .. بس إحنا نكدرها ..
..







و الله إن فينا اللي موفي أكثر خلق الله .......
ما يكفي إنا مسلمين , و أجرنا محفوظ عند رب العالمين ...
أسألكم بـالله أخواتي عيشوا معي ذا اللحظة ....
تخيّلي نفسك لا سمح الله من أهل الكفر .....
و الحمد له أن عزَّنا بالإسلام ......
أجرك ما راح تاخذينه إلاَّ في الدنيا ..
تكون دنياك هذه هي نعيمك ....
و تأكدي إنه نعيم لا يزول ......
أمَّا في الآخرة ....... راح يكون عذابـك .....
و تأكدي إنه عذاب خالد .....
إن عملتِ حسن ... سبحان ربك من عظيم كرمه ....
يعطي الكافر أجره .... بس في الدنيا .......
تخيلي ذا الشي معي .....
تكوني لا سمح الله كافرة و أجرك تاخذيه في الدنيا .......
و مع هذا معيشتك هم و غم و ألم ......
بـالله ما عمرك فكرتي بذا الشي ....... !!
و حمدتِ ربك ..... إن أجرك محفوظ في اليوم الآخر .......
و مع كل هم و غم و ألم و زفرة آه لك أجر .......
ما راح تستانسين ....... يوم يزيد رصيد أجرك ....
لين تدخلين جنة عرضها السماوات و الأرض ........... !!
أسألك بـالله تجاوبيني الحين ...... !!
مو إحنا في خير و نعمة ...... و أعظم نعمة عايشين فيها ..
هي نعمة هذا الدين الحنيف العظيم ......
و الله يا بنات .. و الله ربي و ربكم .....
لو تجيني من الآلام ما تجيني .... لو أتعذَّب ليوم الدين ......
قسم بـالله ربي و ربكم ما راح أخسر شي ......
بالعكس ...... لي أجر حتى لو على الشوكة اللي أتألم منها ......
بـالله بيكتسينا هم ولاَّ غم ..... ؟!
و إحنا عندنا عظيم الدنيا و الآخرة .....
عندنا رب العالمين يا بنات ..... ربك كريم و رحيم ..
محد حاس فيك غيره ......
ولا أحد عالم باللي جوَّاتك إلاَّ هو .....
لو تشكين همّك بآخر الليل و تبكين ......
و محد حولك ... هو معــك ....
لو تنظلمين من الناس ...... يبقى معــك .....


اقري معي هذا الحديث للنبي - صلَّى الله عليه و سلَّم - ..
و راح أجيب اسناداته عشان تتأكدين أكثر ....


قال - صلَّى الله عليه و سلَّم - ..
..(( إن الله ليملي للظالم حتى إذا أخذه لم يفلته ))..
ثم قرأ رسول الله - صلَّى الله عليه و سلَّم - :
..(( و كذلك أخذ ربك إذا أخذ القرى و هي ظالمةٌ
إن أخذه أليم شديد ))..
صحيح : رواه البخاري ( 4686 ) و مسلم ( 2583 )
عن أبي موسى الأشعري .


و في رواية أن دعاء المظلوم يرفع فوق الغمام و يقول الرب تبارك و تعالى :
..(( و عزتي و جلالي لأنصرنك و لو بعد حين ))..
صحيح : رواه أحمد ( 2\305 ) و الترمذي ( 3598 )
و ابن ماجه ( 1752 )
و صححه الألباني في السلسلة ( 1211 ) .


يعني يا أختي لا تتضايقين لو لقيتِ بدال الهم درزن هموم ......
ربك معـك معك معك .....
..
بس أبيك تقولين يارب لك الحمد أن خلقتني مسلمة .....
و كفى بذلك عزة و فرح و سعادة في الدنيا و الآخرة بإذن الله ..
..







قبل أن أختم ..
أحب أردد هذه الأبيات ..
قصيدة كتبتها بيميني ........



ما الدنيا بعيوني بدار السعايد
ولا هي بدار الحزن معدوم ضوَّه



ماني ضعيفة جرجرتها المكايد
ولاني تعيسة ناكرتني المروَّة



أبقى وريثة صبر لو شفت كايد
و أبقى عزيزة جنب فيني أخوَّة



ما تهزني رهبة بوقت الشدايد
ولا يهزني العالم لو انحاس جوَّه



ماني حزينة تشتكيني الوسايد
ولاَّ دموعي ذارفتها بقوَّة



دام الصبر فيني بلا شك رايد
ابقى قوية باس فيني فتوَّة



ماهو بمدح للذات ماخذتها عوايد
بلا صدق منطوق مكذوب جوَّه



هذه صفاتي ماخذتها قلايد
ورثٍ عظيمٍ حافظتها بقوّة



..










لحظة لحظة .. !!


أدري كثَّرت حكي .........
بس بقولكم شي قبل لا أترك لكم التعليق ..... !!



تصدقون ما أقول غير شي واحد حسيت بسعادته من داخلي ..
مادري إنتوا بتحسون فيه ولاَّ لا ... !!


ابتسامة شفاتي انرسمت قبل شوي من صميم قلبي ..
حسيت فيها بجمال الدنيا ..
تدرون ليه .. ؟!
لأني شفت السعادة بوجيه الناس .......
و يا حلاة الدنيا لا كانت الناس كلهم سعداء .....


ربي يجمعنا بجنانه .......... !!

السـلام عليكم ورحمة الله وبركااته..

الله يعطيكـ العاافيه والرضا والسعااده في الدنيا والاخره "

كلااامكـ أثر فييني كثيـــر وحسييت برااحه وانا اقرااه .. اشكركـ من كل قلبي /حسستيني ان الدنيا لسه بخيــر بووجوود امثاالكـ فيهاا ..

..

أنتظـــــــــــــــر كل ماهو مبدع منكـ لاأنكـ بصرااحه أسعدتيني كثييييير..تحياتي
تقـبلـــي مروري....

من جد كلاام مرييح

مرره احبك ياانتي

الله يسلمك لنا بس